Fréttir frá London

þá hefur árið 2009 gengið í garð og það eru meira að segja 2 mánuðir búnir af því og ekki heyrst minnsta tíst í minni. Við skulum bara kenna argans ergelsinu um það svona fyrir þá sem ekki vita betur.

Nú síðan seinast birtust fréttir af mér þá kláraðist skólinn, ég átti mjög indælt jólafrí með jólasnjó, töluverðri vinnu og miku glensi og gamani að vanda. Hef ósköpin öll lítið að segja um jólafríið utan þess að það var alveg indislegt og ég var ekki tilbúin að binda endi á það þegar ég þurfti að druslast aftur til úglandanna. Eina kvörtunarefnið væri það að meðan snjórinn var komst ég ekki á skíði og svo byrjaði aftur að snjóa skíðasnjó daginn eftir að ég þurfti út, hvílíkt og annað eins hneiksli. 

vikurnar síðan ég kom út hafa svo bara gengið sinn vanagang, farið í skólann, búðina og horft á sjónvarpsþætti á netinu í letikasti aldarinnar. helgarnar hafa einfaldlega farið í skóla, bókalestur, ritgerðarsmíð, bjórþamb á pöbbum með góðum vinum og kunningjum þó skal hafa orð á því að allt hefur þetta verið í góðu hófi stillt til móts við mikinn svefn og markaðsrölt um hina ýmsu markaði sem liggja á leyni í nágrenninu.

Helstu stórtíðindi voru að Íris vinkona kom í heimsókn og var mikið fjör að fá hana, enda kom hún á valentínusardaginn og fór á konudaginn. Þann sama dag kom einar frændi í heimsókn en stoppaði stutt við. Hann kom svo aftur og var hérna hjá mér yfir helgina og var ósköpin öll mikið rölt enda hafa lappirnar mínar enn ekki náð að jafna sig eftir táskótíma föstudagsins.

Sem eru aðrar fréttir, ég er farin að læra á táskó - var skíthrædd fyrst en er að komast upp á lagið með þetta og að vinna í mig kjark :D -> táskór eru svona eins og sést hér til hægri -->

En ætla bara að láta þetta gott heita, ég LOFA að setja inn annað lítið og sætt bráðlega

kossar og knús heim á frónið

Liljan

P.S. hlýtur að hafa verið úldið veður heima síðustu daga því hér hefur verið hlýtt og sól leikið við vanga.

Það er víst virkilega kominn timi á annað blogg ekki satt? Biðst afsökunar á töfunum, en hef enga afsökun á þeim.

Nú höldum þaðan sem frá sögunni var horfið:

Afmælisdagurinn - STÓR afmlælið sjálft.  Og er maður ekki vakinn með afmælissöngli af engum öðrum en bestu mömmu í heimi! Vá hvað var gott að vakna við það! - hafði fengið eitt internet kort frá mömmu um miðnætti...úber sætt og get svo svarið það það féllu fleiri en eitt tár við það að skoða það. En skólinn kom og skólinn fór án þess að mikið væri í fréttum utan stöku afmæliskveðju hér og þar. Svo fórum við Tom og May inní Central og skoðuðum í búðir og ég hljóp og keypti ballettdót og röltum svo til að finna okkur eitthvað að eta. Nema hvað við endum inni á þessum pínkulitla thaílenska veitingastað í covent garden og maturinn var ljúffengur. Át á mig GAT! Svo fórum við aftur heim í suðaustur london og settumst niður á rosalega kózý pub sem var með live jazz tónlist eftir töluvert mikið af spjalli og allir orðnir þreyttir var ferðinni heitið heim á leið þar sem ég kláraði að gera afmæliskökuna mína tilbúna :P Ekkert er afmælið ef engin er kakan og ég bjó sko til 3! En ein var nóg í bili. OG nammnammnamm, hún var góð...saccherkaka svíkur engann. Daginn eftir bauð ég svo Zoe,Ifa, Katy og anna og fengu köku...það var mjög gaman. Á laugardeginum fór ég svo og verslaði fyrir afmælispeninginn minn...ekkert merkilegt samt...bara hitt og þetta aðallega boli til að dansa í.(Og bara svona ef einherjum þykir það merkilegt þá fór ég inní central í sérstakan leiðangur að kaupa Garaná Antartica - já brasilískan gosdrykk - kem með eina flösku heim :D)

Sunnudagurinn var svo algert æði! Dró Jonathan með mér og fórum á risastóra hundasýningu. með einhverjum 200 tegundum af hundum. Alveg ROSARISA Stór. Sá hundategundir sem ég vissi ekki að væru til. Þaðan héldum við af stað heimleiðis með stoppi hjá Big ben þar sem við fundum okkur kaffihús og heitan kakóbolla til að ilja köldum fingrum. Eftir að hafa túristast í töluverðan tíma þá var ferðinni haldið heimleiðis með viðkomu í búðinni til að kaupa jarðaber og rjóma því það átti að reyna að fá fólk til að borða hinar tvær kökurnar. Nema hvað, eftir að hafa tekið fínt til og gert allt voða flott þá mætti bara enginn. JAfnvel þó það hefi ekki verið planað í lengri tíma (eiginlega bara síðan um hádegið) þá fannst mér það samt súrt epli að bíta í. En hvað sem því líður þá eyddi ég kveldinu í að horfa á spólu með Leoni og Lauru sem eru alveg æðislegar stelpur.  

vikan leið svo hjá eins og elding, nema hvað á föstudeginum líður mér eitthvað úber skringilega og er ég ekki alveg geðveikislega bólgin aftan við öftustu tönn í neðri gómi og rosalega vont og óþægilegt. Er ekki litlan að taka endajaxl ég get svo svarið það. Hvað um það ég harkaði af mér daginn og var svo bara í leti, horfði á spólu með strákunum: Jonathan, Ed og nick. Svo var bara í háttinn og reyna að sofa þetta af sér og jú svaf heillengi og eyddi öllum laugardeginum í rúminu að lesa og svo bara aftur að sofa efitr smá göngutúr til að fá hresst loft. Meðan sunnudagurinn fór í matarinnkaup, þvo þvott og annað álíka. Svo var bara komin enn ein vikan.

Og jiminn eini þessi seinasta vika þaut hjá eins og byssukúla! Fórum á Butoh show - japanskt listdansform - mjög áhugavert - en svolítið óhugnanlegt á tímum.Og ég kláraði sólóinn minn - og vakti fram á nótt við að setja tónlistina saman. Það var allaveganna mikið meira en nóg að gera. Svo fengum við að vita hvernig við stóðum okkur í fitness screening dótinu sem var þegar við komum og ég var bara nokkurnveginn fyrir miðju. Og þarf að bæta mig í styrk fyrir vorið, vantar ekki úthaldið í mína - það er krafturinn minkaði um innan við 40 % í gegnum þrautina sem er víst mjög gott yeyj! annars vil ég minna á það að ég stækkaði um cm við að fara í þetta screening, er víst 161 cm en ekki 160 eins og ég hef alltaf haldið fram. Annars þá er mér aftur farið að líka við ballett-kennarann sem ér var farin að  vera nokkuð pirruð yfir. Sem eru mjög gott, því þá gengur mér betur í ballett . 

Svo kom enn ein helgin - og þaut hjá eins og vindurinn. Fór á markaðinn í Deptford, það er áhugaveðrur markaður...mjög áhugaverður... lærði svo og um kvöldið fór ég inní Canary wharf að hitta Sigrúnu, Kisa og Önnu því Sigrún átti afmæli. Sátum á chillies, amríksum veitingastað, í þónokkra tíma og sötruðum kokteila en það var fyndnast í heimi þegar þjónninn kom í eitt skiptið til okkar, og jú við vorum að panta enn einn kokteilinn, og hann bara OH MY GOD! hélt ég myndi veslast upp af hlátri. Sunnudagurinn fór svo bara í þetta venjulega, versla í matinn og læra. En um kveldið fór ég aftur inní Canary Wharf, í þetta skiptið með Helen, Ed og Jonathan og fórum á þennan súper næs spænska veitingastað (tapas bar) sem við vorum með 50% afslátta af matnum á, þvílíkt næs, en já alveg bara held ég einn skemmtilegasti staður sem ég hef farið á! OG bara úber kósý kvöld. Sérstaklega skemtileg helgi þar sem DLR er bilað og þess vegna þurfti maður að labba undir THames...jamm! og ná í strætó hinumegin. 

Í dag sýndi ég svo sólóinn minn og gekk bara mjög vel. Fengum svo svona miða frá hinum og vá þvílíkt góð komment held ég. Allaveganna 2 amazing :) og já held mér hafi bara gengið mjög vel. Svo núna ætti ég að vera að gera journalið og pdp því það er næsta skref að koma því til hliðar á miðvikudagsmorgun. og svo eru tveir fyrirlestrar í næstu viku og svo er bara allt búið. 

En mesta sjokkið í dag (var þvílíkt ánægð að vera búin með sóló verkefnið og taldi það alveg meira en nóg fyrir einn dag) heldurðu ekki að góðvinur minn hann Adam hafi ekki risið upp frá dauðum og sent mér línu! Á dauða mínum átti ég von en ekki þessu. Eftir 6 mánaða grafarþögn og enga leið til að ná í kallinn þá bara "hæ hvað segirðu?" En það var samt rosalega gaman að heyra í honum, og Andreunni minni sem ég heyri alltaf reglulega í! Hlakka svo til að sjá ykkur! Bara 18 dagar í að ég verði komin heim á klakann...og þá veðrur sko afmælispartý.

Svona til að það sér á hreinu: við erum að fara út laugardaginn 13 í það minnsta og byrjum hjá mér í get together  (nema þið viljið byrja einhversstaðar annarsstaðar) og gaman og svo förum við á djammið! Svona í telefni þess að allir séu orðnir tvítugir loksins!Sakna ykkar úber dúber súper mikið en verð að drulla mér í rúmið er búin að vera að draga það allt allt of lengi að leggjast uppí rúm og sofna. Góða nótt, elska ykkur öll!

P.S. bæti myndum inní þetta blogg fljótlega...hef ekki orkuna í það núna 

Fríið er rétt að klárast, þvílík gleði þvílík sorg.

Kláraði alla heimavinnuna mína í tíma aldrei þessu vant þá er ég ekki á seinustu stundu! Kláraði ritgerðina seinasta mánudag sem ég held að sé algert met fyrir mig, þar sem ég er alltaf manneskjan sem er að farast úr stressi og vakir fram á miðja nótt kvöldið fyrir skiladag og skrifar og skrifar. Ekkert slíkt stress í þetta skiptið og held ég ætli að reyna að venja mig á þetta, þvílíkur lúxus. 

En já, þessi vika fór í algera leti til að byrja með farið seint á fætur og ekki gert neitt. Reyndar ekki alveg satt en samt, fór í tate á laugardaginn seinasta og skoðaði verkið 30 pieces of silver, sem er reyndar gert úr 1000 pieces of silverware. Við zoe fórum saman og röltum meðfram Thames og ætluðum svo á markaði en vorum of seinar til að fara á markaðinn sem við ætluðum á. Eftir dag af því að horfa á silfurborðbúnað var kvöldinu tekið rólega og sunnudeginum eytt í rúminu þar til ég dröslaðist til Zoe og við horfðum á spólu, spjölluðum og lærðum. Vá hvað það var kózý, alveg hreint út sagt æðislegt . 

Get ekki sagt að ég hafi gert neitt mikið meira á mánudag né þriðjudag nema hvað ég fór í skólann að tékka hvort listarnir með hópunum væru komnir og nei ekkert bólaði á þeim. Svo fór ég til Oxford á þriðjudaginn, fyrst klst. ferðalag frá greenwich inn í central og svo 1,5 klst með rútu til oxford. En rútan er samt svolítið tæknivædd því manni er boðið upp á ókeypis þráðlaust internet, smá munur frá rútunum í brasilíu verð ég að segja. Kom til Rögnu og fékk voða góðann grjónagraut, namminamm! Og það snjóaði!!! vá hvað það minnti mig á heima. Daginn eftir rölti ég svo um Oxford. Held ég hafi rölt svona 7þúsund hringi og endaði alltaf inni í stóru stóru bókabúðinni. Það var mjög gaman inni í henni . Kannski fólk eigi bara að búast við bókum í jólapökkunum?

Annars er Oxford rosalega spes. Öll gömlu kastalahúsin og bókasafn sem er 10 risa hæðir, neðanjarðar. Og öll colleagin sem eiga sitt kastalahús og sum eru þvílíkt rík eins og eitt sem á risa land inni í miðri borginni og þar eru bara kýr  og svoleiðis. Fremur spes, en samt mjög töff. Lísa í undralandi búðin og hitt og þetta. Við kíktum á safn með stelpurnar, Diljá, Soffíu og Agnesi, að skoða múmíur . Svo fengum við dominos pizzu í kvöldmatinn, verð að segja að ég hef sjaldan verið jafn ánægð að fá pizzu, en eins og flestir ættu að vita er ég ekkert gríðarlega mikið fyrir skyndibita. Ekki einu sinni pizzur. En namm namm, þetta var alveg bara mjög gott . Svo fór ég með stelpurnar í rútuna til London og fékk að fara með þær allar án þess að borga, voða næs rútubílstjóri. Ferðin til baka gekk einhvernveginn mun hraðar fyrir sig heldur en ferðin þangað, kannski vegna þess að ég vissi hvert ég væri að fara nákvæmlega. En við hittum Freyju á Victoria station og þar kvaddi ég stelpurnar og hélt áfram mínu ferðalagi alla leiðina heim. Vá hvað ég var samt fegin að koma heim. Þvílíkt þreytt eftir langan dag. 

Fimmtudagurinn varð samt sem áður ekkert styttri þar sem ég fór alla leiðina í Ikea að versla, eyddi rúmum 50 pundum þar...úpps...en ég skal taka myndir af herberginu og setja hérna inn og þið eigið sko eftir að sjá þvílíkan mun og það er miklum mun betra að búa hérna núna. Líður vel í herberginu mínu. Keypti svo dýnu til að blása upp og fór í matarbúðina sama dag. Úff var með marbletti á úlnliðunum eftir alla pokana. En já get tekið á móti gestum núna! Á dýnu og létta sæng og lak og alles, en mæli samt sem áður með svefnpoka ef það er ennþá kalt í London. Svo kom Jon yfir og við kíktum á Sin city, gaman gaman. Var ekki að meika að hitta engann allan daginn þar sem ég fékk boð um að Thomas væri ekki að koma. Og á föstudeginum, sem átti að fara í að gera choreography þá fór ég í bíó á James nokkurn Bond. Varð eiginlega fyrir smá vonbrigðum því þetta var nú bara eins og hver önnur action mynd. Og það er dýrt að fara í bíó hér - 12 pund! reyndar með poppi og svonna.

Um kvöldið var svo málið að fara í íslenskt partý hjá Önnu og Sigrúnu. Fékk voða gott að borða, annað skiptð í vikunni, borðaði hjá þeim á mánudaginn líka. Og svo var bara partý time..hehe..voða gaman hjá okkur í leikjum og spilum fram á rauða nótt. Gisti svo bara í sófanum eins og alltaf og kom mér ekki ehim fyrr en seint og síðarmeir og fór þá að hitta Tom, saknaði hans. Í dag fór ég svo í Laban og viti menn ekki enn komnir up listarnir! en samt komin stundaskráin og ég er búin kl 15 á fimt og föst., lúxus líf. En kláraði choreography og er því bara í leti núna að hlusta á nágrannana æfa tónstiga á nokkur hljóðfæri. 

Held ég ætti að fara að reyna að blogga oftar, hef allt allt of mikið að segja þegar ég loksins sest niður. Á bara ósköpin öll erfitt með að setjast niður. 

En eins og áður, skiljið eftir ummerki um að þið hafið lesið þennan glæp sem rit mitt er. Þar sem sá sem komst í gegnum þetta allt er glæpsamlega þolinmóður

Lilja lúna lipurtá.

Ohh...jæja, þá hefur 5ta skólavikan hafið göngu sína og ég búin að vera hérna úti í rúmar 6 vikur vá hvað tíminn flýgur hjá. Skólinn heldur áfram sinn vanagang að mestu nema hvað þessa viku þá höfum við færri tíma og svo komumst við í langþráð viku "lestrarfrí" - vá hvað það verður kózý. Utan skóla hef ég aðallega verið að læra og reyna að slappa af. Fór út með krökkunum á föstudaginn fyrir rúmri viku og Anna kom með okkur og gisti hérna hjá mér á uppblásinni dýnu. Vá hvað það var gaman, fórum í búðina og keyptum allt allt of mikið. Svo elduðum við nammi góðann mangó-kjúlla og gerðum okkur ready að hitta krakkana og fara á smá pubbarölt. Þetta var nú bara satt að segja mjög kózý kvöld.

Laugardeginum var eytt í geggjaðslega mikla leti og á sunnudeginum hitti ég Tom í Greenwich Park og fór svo með honum heim til hans að horfa á spólur og borða pítsu...mmm...geggjað kózý. Svo fengum við okkur einn öllara með Dom sem býr þarna líka. Og ákváðum daginn eftir að vera letingjar og sleppa fyrsta tíma því þá þurftum við ekki að mæta fyrr en kl. 13:30. Vorum samt alveg smá dugleg og fórum í verslunarleiðangur og ég keypti mér íþróttaskó . Vikan leið svo bara hjá á eldingarhraða...á miðvikudaginn fórum við út að borða á stað sem heitir café sol í tilefni af 20 afmæli Söru, fengum risa mexíkóhatta og flestir með einn kokteil. Og viti menn ég pantaði mér nachos og borðaði alveg slatta af því ... á fimmtudaginn fór ég með Sam í Tesco því mig vantaði eitthvað smáræði, og eins og venjulega þá kann minns ekki að hemja sig í matvörubúðinni, þetta nær bara engri átt því ef ég held svona áfram verður herbergið fljótandi í matvöru .

Þennan föstudag var ég hinsvegar haldinni töluverðri heimþrá . En það fyndna við það var samt það að ég var með heimþrá eftir Íslandi en líka Brasilíu þar sem ég hef verið að spjalla mikið við vini þaðan uppá síðkastið. Svo ég skellti mér til Tom að ná í gallabuxurnar mínar, en endaði á að setjast niður og fá mér smá hvítvín með strákunum. Svo var Tom allt í einu á leiðinni inn í central og vantaði aur til að komast svo ég lét hann fá oyster-(strætó)-kortið mitt og við löbbuðum með honum að strætónum. Svo þegar við erum að kom að stoppistöðinni keyrir strætó framhjá og Tom rýkur af stað í mjög þröngu skinny-jeans og ég get svo svarið það ég hef aldrei séð neinn hlaupa eins hratt! Undur og stórmerki! En ég gisti svo bara í rúminu hans Tom, mjög þægilegt, mjúkt og gott eins og rúmið mitt heima...alveg handviss um að það verða fleiri sleepover bara þess vegna. :P. 

á laugardag fór ég út með krökkunum, Söru, Joe, Imogen, Ellie og Hannah til að halda uppá afmælið hennar Söru. Fóruym inní Central og þvílíkt ferðalag sem það var! Enduðum á klúbb sem heitir Storm! og þar var spilað R&B...samt mjög gaman, og minns alveg á góðu nótunum, varla búinn að drekka neitt (s.s. ekki alltaf að drekka óhollt áfengi!) dönsuðum þar í rúma 2 tíma áður en ferðinni var heitið heim, tók okkur reyndar tæpan klst. að finna rétta strætóstoppistöð og svo 50 min með strætó...úff... mikið var ég fegin að fá mér smá í gogginn og finna koddann minn! Svaf frameftir og nennti alls ekkert á fætur, skal meira að segja næstum því stollt segja að ég fór ekkert út úr herberginu mínu í gær og eyddi næstum öllum deginum undir sæng að horfa á bíómyndir (sakna þess að segja spólur). En dröslaðist um síðir og vann smá í ritgerðinni minni sem planið er að klára fyrir annað kvöld (veit það plan á ekki eftir að takast svo miðviðkudagskvöld er það)

Á morgun fer ég að ná í moneys og lýsi (já ég veit ég bað um að fá lýsi sent...en mér finnst það hjálpa) til fólksins sem kom með það. Svo er tutorial með Gill og Ballet-leveling (eins konar prufa og svo setja þau mann í einhvern hóp) eftir það förum við í Tate-modern að skoða verk sem heitir thirty pieces of silver  - sem við þurfum að búa til 3 mín. sólóverk útfrá og þaðan hlaupum við til þess að ná að komast á sýningu með Batsheva dance company. Þannig mjög annasamur dagur framundan. En svo byrjar þetta að slakna aðeins og á föstudag er ég bara með einn tíma. Svo fæ ég ehimsókn i næstu viku, líklega, frá Belgíu. Thomas sem var skiptinemi á sama tíma og ég í Brasilíu ætlar líklega að kíkja hingað í 1-2 daga hlakka svo til...urðum nokkuð góðir vinir þó við höfum "bara" ferðast saman í mánuð.

Bæjó spæjó...vona að innsýn í hvað ég geri utan skóla hafi glatt þitt litla hjarta í skammdeginu 

P.S. Nýja adressan:

G/6/8

Mcmillan Student Village

Creekrode

Deptford

London SE8 3BU

ENGLAND (U.K.)

P.S.S. býst við ammælishringingum og kortum efitr rúmar 2 vikur!!!